ARKIV

RULLETOUR 2009/2010 ER NO I GONG
Eldar K, Ole L og Bård V deltar frå klubben. Fyrste etappen er ein prolog på 1.1 km med full spurt frå første tråkk så her får ein opp skikkeleg pusten.
Sjå resultat frå I-Magic <her> (Marius, Eldar og Bård).
Og Fortius <her> (Ole)

RULLETOUR 2009/2010 STARTAR OPP 26. OKTOBER
For den som har tenkt å sykle rulle i vinter så er dette ein ypperleg måte og holde seg i form på gjennom vinteren, men pass på for det er lett å bli hekta og få ein formtopp i februar....

For dei som ikkje veit kva Rulletour er, så er det kort forklart ei uformell turnering for eigare av Tacx Imagic eller Fortius ruller. Turneringen går ut på at ein lastar ned etappar, som kan syklast i angitte tidsperiodar. Ein lastar opp sine resultat og kjem på en rankingliste. I tillegg vert det ført eit samandrag med ei virituell gul trøye. Dersom du hoppar over in etappe, vil du få eit virituelt resultat som er litt dårligare enn det dårligast registrerte resultatet på etappen.

Happy biking!!!!!!!!

Meir info <her>

TOUR DE SYKKYLVEN LAURDAG 26.SEPTEMBER KL.11.00
Vinnar vart Sykkylven IL. Ni minutt foran sykkelklubben med Velledalen IL og Team Expert på dei neste plassane.

KORLEIS OPPFØRE SEG I TRAFIKKEN?
Fin artikkel <her> om korleis ein skal sykle i trafikken og på fortau. Viktig å få med seg at det er tillatt å sykle to i breidda.

SYKKELTRENINGENE FORTSET TIL SNØEN KJEM. DET VERT NO TERRENGTRENING BÅDE TIRSDAG OG TORSDAG!!!!
HER FRÅ TRENINA 08.09.2009
Fantastisk tur i ruskever!!!!
Hydro-Sessvatnet-Kolda-Myrsetstølen-Myrset-Hovden-Kurset-Kolda-Åsen-Hydro

Rolig tempo (ca.1t30min)

Mvh Fornøgd


Arild, Jo og Bård (Foto:Eldar Kurseth)

SYKKELHELG PÅ HAFJELL 18.-20. SEPTEMBER
Vi tenkte å avslutte sesongen med tur til Hafjell. Vi køyrar nedover med privatbilar.
Overnatting i hytte. Pris ca. kr.400,- pr.person pluss at vi spleisar på brødmat.

PROGRAM:
Fredag ankomst

Laurdag:
Alternativ 1: Terrengsykling oppe på fjellet på stiar og grusvegar.
Alternativ 2: Utforsykling i Hafjell BikePark
Leige av DH-sykkel inkl. verneutstyr kr.750,-. Heis kr.235,- pr.dag. Klubben stillar med innleigd instuktør
Afterbike på Fjøsen kl.17.30. Pizza på Peppes utpå kvelden.

Sundag: Terrengsykling på Hafjell, Skeikampen eller Høvringen.

For påmelding eller meir info ta kontakt med Frode

SYKKYLVSRITTET 23.AUGUST 2009

Jan Ove Standal hadde beste tid både på tempo og fellesstarten. Flott ver og nesten vindstille. Det vart ny rekord både på tempo og landevegsrittet.

<RESULTAT HER>

GRILLTUR SUNDAG 7.JUNI
Søndag 7. juni arrangerte Sykkylven Sykkelklubb grilling ved Sessvatnet i Sykkylven. Sessvatnet er ei perle like ved Ikornnes og mykje nytta som turområde for lokalbefolkninga. Denne søndagen var det altså små og store syklistar som tok i bruk dei gode turvegane rundt det idylliske vatnet. Thor Aage Langdal hadde stilt hytta si til velvillig disposisjon. Ved hytta er det bygd opp ein stor steingrill der folk la på både pølser, kotelettar, kyllinglår og andre delikatessar. Ved sidan av matykt og sosial prat, var det hengt opp ark med spørsmål på trea i området rundt hytta. Borna var flinke å svare og nokre hadde alt rett på den uhøgtidelege sykkelquizen.
Sykkelklubben satsar på å arrangere fleire slike turar der det sosiale står i sentrum.

EKORNESRITTET 2009 LAURDAG 6.JUNI
Vinnar vart Martin Notøy Nevstad.
<RESULTAT HER>

TRENG DU NY SYKKELBUKSE?
No er det kommt inn nye sykkelklede. Kan kjøpast hjå Eva på Intersport BS Aure.

Trøye kort arm kr. 605,-
Jakke pave kr. 955,-
Kort sykkelbukse med ny og forbetra pad (Evo Air) kr. 720,- <Meir info om pad her>

SYKKYLVSRITTET 2009 SØNDAG 17. AUGUST
Tredve syklistar stod på startstreken då fellesstarten gjekk av stabelen. Farta var nokså moderat fram til bakkane opp til Hovdeåsen, men då vart det liv i feltet. Det skilte seg ut ei klynge på åtte syklistar opp mot toppen av bakken. Nedover mot Hundeidvik viste Per Steinar at han også beherskar utforkøyring. Han heiv seg utfor bakkane så ritt-bilen framfor feltet berre så vidt greidde å halde seg framom. Sykkylvingen fekk med seg Bård Olav Karlstrøm på den dristige utforkøyringa og saman fekk dei ei luke på ca ti sekund ned til dei neste. Dei prøvde å samkøyre for å sikre avstanden bakover, men i stigninga tilbake til Hovdeåsen kom resten av feltet opp på bakhjula til dei to utbrytarane. Feltet på åtte var då igjen samla og slik var situasjonen heilt fram til spurten ved mållinja. Då viste igjen Karlstrøm og Per Steinar Linga seg som dei sterkaste. Tomrefjordingen Karlstrøm greidde så vidt å hive seg framom velledalingen i spurten. Med i åttemannsfeltet mot mål var også unge og lovande Ole Johan Risa.

Tidlegare på dagen hadde temporittet rundt fjorden blitt arrangert. Her var det skiløparen Vegard Godø frå Emblem som imponerte mest. Han feide rundt løypa på tida 21.16. Raskare har det knappast vore sykla på dei 15 kilometrane rundt Sykkylvsfjorden. Beste sykkylving var igjen Per Steinar Linga med tida 23.30. Ole Johan Risa følgde like bak med 24.13. Den beste tida alderen teke i betraktning fekk nok likevel Bård Erstad som sykla i klassa 60-69 år. Han har vore med på dette temporittet dei fleste åra det har vore arrangert, og tida 28.13 er ny personleg rekord for Bård, som berre vert betre og betre med åra.

<RESULTAT TEMPO HER> og <RESULTAT FELLESSTART HER>

TRENG DU NY DRAKT?
Vi har litt drakter på lager. Ta kontakt med Eva på Intersport om du treng noko.
Her er ei oversikt over det vi har inne:

EKORNESRITTET 2008 LAURDAG 7.JUNI
Rundt hundre med stort og smått stilte til start. Flott ver og fine forhold i løypa.Vinnar av Stressless vart Håkon Fet.
Martin Grebstad vann sykkelen som var til utlodding.
<RESULTAT HER>

UTESYKKELTRENINGENE STARTAR TORSDAG 3.APRIL 2008 Det vert rekordtidleg start av utetreningene i år. Tirsdag kl 1900 terreng Torsdag kl 1900 landevei Oppmøte på TREN. (dersom det er dårleg ver kan vi ta ein spinningtime)   ÅRSMØTE FREDAG 22.FEBRUAR 2008 Årsmøte vert på Ekornes avd. Vestlandske kl.20.00. Vanlege årsmøtesaker samt litt info om planar framover.   EKORNESRITTET OG SYKKYLVSRITTET 2008 Ekornesrittet vert laurdag 7. juni og Sykkylvsrittet 17. august.   NYE DRAKTER ER KOMMT Dei som har bestilt nye drakter kan hente dei hjå Eva på Intersport. Det er også bestilt litt ekstra så om nokon treng bukse eller skjorte så ta kontakt.   SYKKYLVSRITTET 2007 SØNDAG 2.SEPTEMBER Per Steinar Linga best i Sykkylvsrittet. Syklistar frå Sykkylven Sykkelklubb dominerte under Sykkylvsrittet som gjekk av stabelen i regnver sist søndag. Per Steinar Linga var best både på den innleiande tempoetappa og på fellesstartrittet over 7 mil. Magne Haugen , Ålesund vart nummer to på begge ritta. Ole Johan Risa viste også at han er ein lovande syklist med tredje plass på begge ritta. Ein annan ungdom som gjorde sine saker bra, var debutanten Daniel Nordhaug. I sitt første ritt heldt han lett følgje med eldre og rutinerte konkurrentar. <Slideshow her> <Resultat her>

EKORNESRITTET 2007 LAURDAG 9.JUNI Flott ver og ny deltakarrekord. Nær 100 stilte til start i det femte Ekornesrittet. Vinnar av Ekornes Stressless vart Rigmor Longva frå Ålesund. Bård Olav Karlstrøm hadde beste tid. <Resultat her> <Slideshow her>

FELLESTRENINGENE STARTAR OPP TIRSDAG 8.MAI Det er kjekkare å sykle i lag med fleire enn å kun konkurrere med seg sjølv. <Sjekk treningstidene her>

PLAGAST DU MED SMERTER I RYGGEN? Det kan kome på grunn av feil innstilling av sykkelen. <les meir her>

LYKKE TIL MED SESONGEN! Det ser ut som dei fleste har kommt i gong med sesongen og vi får håpe at dei vert gode grunnar til å intervjue medlemmar av klubben sånn som på bilda under der Anne vert intervjua etter Nibberittet og Marius etter seieren i Raumarittet. (klikk på bilda for større versjon).

HEILÅRSLISENS 2007 For dei som har tenkt å vere med i ein del ritt i 2007 så vil det løne seg å ha ein lisens for aktive. Denne kostar ca. kr.600,- alt etter kva klasse du er i <sjå prisar her>. Denne lisensen må klubben registrere og dei som vil ha dette må sende ein e-post til Bård. Her må du oppgi namn, adresse, e-postadresse og fødselsdato.

TERMINLISTE 2007 FOR MØRE OG ROMSDAL Terminlista er klar. <sjå her>

KOM I FORM PÅ 10 MINUTTER Det finns ein måte å trene bort fettet på som ikkje krev timar på sykkel eller tredemølle og som gir et bedre resultat på under 10 minutter. <les meir her>

AKTIV FERIE? - KORSIKA RUNDT PÅ SYKKEL For dei som ikkje har bestilt ferie enno kan dette kanskje vere eit alternativ? <les meir her>

TEST FORMA FØR SESONGEN STARTAR Ein enkel måte å teste forma på og finne ut om den vert betre er å måle kvilepulsen. <les meir her>

GUNN RITA PÅ TEAM SYKKYLVEN? Etter at Gunn Rita fekk sjå den flotte drakta vår så var ho veldig interessert i å sykle for Sykkylven neste år. Men det spørst om her er nok sponsorar? Ho kunne fortelje at oktober er ein månad ho tar heilt fri frå sykling for å feite seg opp igjen og for å vere svolten på masse trening når hardkøyret startar igjen i november. Ho var elles veldig opptatt av rekruttering og som ho sa det: "Alle har ein sykkel". Det gjeld berre for klubbane å lage eit opplegg som er like kjekt som fotball og som gjer at dei startar å trene meir systematisk. Ho var på Moa i går for å markedsføre frukt for Coop. Føda er halve jobben og ho ivra veldig for å få meir frukt inn i skulen istaden for sjokomelk og anna svineri.

"Vil kjøre over fjorden innen ti år" "Innen ti år mener Storfjordsambandet, med Frank Sve og Jan Kåre Aurdal i spissen, at vi skal kunne kjøre over Storfjorden i fast kjørbart samband. - Dette er ikke lenger virkelighetsfjerne vyer, men realistiske planer, sier Frank Sve." Interessant lesing i dagens Sunnmørsposten. Dessverre står der ingenting om korleis syklistane skal kome seg over i framtida. Tenk om vi i kunne sykle over fjorden innan ti år. Vert det tunnel så vert den sannsynlegvis stengt for syklistar. Så for oss er der kun eit alternativ og det er bru. Så alle pedaltråkkarar må mobilisere og påverke der det er mulig. <les artikkel her>

FORBEREDELSE TIL RITT Rittsesongen nærmar seg og for dei fleste er det sesongstart i Ekornesrittet 9.juni Her finn du tips om korleis du skal forberede deg til ritt. For meir info , sjå her GJENNOMFØRING AV RITT Her finn du tips om korleis du skal gjennomføre eit ritt med stil. For meir info , sjå her

DRAKTENE TIL KLUBBEN